തിരിച്ചടിയിൽ ഭയന്ന് എതിർപ്പ് പ്രകടിപ്പിക്കുന്നവരെയെല്ലാം കേസിൽ കുടുക്കിയും പൊലീസിനെ ഉപയോഗിച്ചും ചാനലുകളിലൂടെ അവഹേളിപ്പിച്ചും ഒതുക്കാൻ വിജയൻ സർക്കാർ നടത്തുന്ന നീക്കത്തിനെതിരെ പ്രതിഷേധം വ്യാപിക്കുന്നു. ഒടുവിൽ മൂന്നാം അതിജീവിതയെന്ന് അവകാശപ്പെടുന്ന യുവതിയുടെ ചാറ്റ് പുറത്തുവിട്ട ഫെന്നി നൈനാനെതിരെ അതിജീവിതയെന്നവകാശപ്പെടുന്ന സ്ത്രീ പരാതി നൽകിയിരിക്കുകയാണ്. പേരും നമ്പറും ആളെ തിരിച്ചറിയാൻ കഴിയുന്ന കാര്യങ്ങളും ഒഴിവാക്കിയ ശേഷം ഫെന്നി പുറത്തുവിട്ട ചാറ്റ് സ്ക്രീൻ ഷോട്ട് ആണ് അതിജീവിതയേയും വിജയനേയും ചൊടിപ്പിച്ചത്. പരാതിയിൽ കേസെടുക്കാൻ നീക്കം ആരംഭിച്ചതോടെ കടുത്ത ഭാഷയിൽ പ്രതികരിച്ചു ഫെന്നി വീണ്ടും സാമൂഹിക മാധ്യമങ്ങളിൽ എത്തി. പറയാനുള്ളത് പറയുമെന്നും കേസുകളെ നിയമപരമായി നേരിടുമെന്നും ഫെന്നി പ്രഖ്യാപിച്ചു. ഫെന്നിയുടെ പോസ്ടിങ് ചുവടെ:
രാഹുൽ എംഎൽഎയ്ക്കെതിരെയുള്ള കേസിൽ പരാതിക്കാരിയെ ആക്ഷേപിച്ചു എന്ന പേരിൽ എനിക്കെതിരെ കേസെടുത്തു എന്ന് മാധ്യമങ്ങളിൽ നിന്ന് അറിയുന്നു.
പരാതിക്കാരിയുടെ ഐഡൻ്റിറ്റി വെളിപ്പെടുത്തുന്നത് ഗുരുതരമായ കുറ്റമാണ് എന്ന് എനിക്ക് അറിയാം. ഞാൻ ഒരു രീതിയിലും അത് ചെയ്തിട്ടില്ല. ഇനി ചാറ്റ് പുറത്ത് വിട്ടതിനാണ് കേസ് എങ്കിൽ ആദ്യ ദിവസങ്ങളിൽ കുറെ ചാറ്റുകൾ മാധ്യമങ്ങൾ പുറത്ത് വിട്ടിരുന്നല്ലോ ? അവർക്കെതിരെ എന്താണ് കേസെടുക്കാത്തത് ?
എന്തായാലും കേസിനെ നിയമപരമായി നേരിടും. ഈ വിഷയത്തിൽ നിയമലംഘനം നടത്തിയിട്ടില്ല എന്ന ബോധ്യമുണ്ട്. പ്രതികാരബോധ്യത്തിൻ്റെ ഭാഗമായി എന്നെ വേട്ടയാടാൻ നിങ്ങൾക്ക് പറ്റും. പക്ഷേ എല്ലാത്തിനും മുകളിൽ കോടതിയുണ്ട്. അവിടെ സത്യം ബോധിപ്പിക്കും. എഫ്ഐആർ ലഭിക്കുന്ന സമയത്ത് തന്നെ അതിൻ്റെ നിയമസാധുതയെ ചോദ്യം ചെയ്ത് ബഹുമാനപ്പെട്ട ഹൈക്കോടതിയെ സമീപിക്കും.
പക്ഷേ നിങ്ങൾ എത്ര കേസെടുത്താലും ഞാൻ എൻ്റെ പോസ്റ്റിൽ ചോദിച്ച ചോദ്യങ്ങൾ അവിടെ നില നിൽക്കുന്നു.
1) രണ്ടാമത്തെ കേസിൽ ബലാത്സംഗം ചെയ്യാൻ പെൺകുട്ടിയെ വാഹനത്തിൽ ഹോംസ്റ്റേയിൽ എത്തിച്ച് നൽകിയ എന്നെ എന്ത് കൊണ്ട് പോലീസ് അറസ്റ്റ് ചെയ്തില്ല ?
2) 2024 ഏപ്രിലിൽ ബലാത്സംഗം ചെയ്തെന്ന് പരാതി നൽകിയ മൂന്നാമത്തെ കേസിലെ പരാതിക്കാരി എന്ത് കൊണ്ട് പതിനെട്ട് മാസങ്ങൾക്ക് ശേഷം " I prefer his flat, safe place, night aayalum kizhappamilla" എന്നു പറഞ്ഞത് എന്ത് കൊണ്ടാണ് ?
Case filed for releasing chat, Fenney strikes back again. Move to confront the case. Survivors and Vijayan government are suffering
